 |
IL-KUNSILL NAZZJONALI
TAL-ILSIEN MALTI
Il-Ministeru tal-Edukazzjoni, Kultura, Żgħażagħ u Sport
Triq l-Assedju l-Kbir
Il-Furjana VLT 2000
Ikkuntattjana
Aġġornat fil-15 ta’ Diċembru 2009
|
|
|
|
| |
SE JIFTAĦ IL-ĦAMES KORS TAL-QARI TAL-PROVI
- Il-kors li jwassal għal Ċertifikat Universitarju fil-Qari tal-Provi reġa' kien suċċess u komplew joħorġu bosta qarrejja tal-provi kkwalifikati. Issa jlaħħqu 'l fuq minn mija.
- Il-ħames kors se jiftaħ fi Frar li ġej, u l-applikazzjonijiet mill-internet diġà fetħu.
- Il-programm tal-kors u l-katalgu ssibhom hawnhekk.
- Il-lezzjonijiet isiru t-Tnejn u l-Ħamis, mill-5.30pm sat-8.30pm.
- Jekk tixtieq tirċievi l-katalgu stampat, iktbilna ittra elettronika u nibagħtuhulek bil-posta.
- Jekk tixtieq tikkuntattja lil xi qarrej tal-provi li għamel il-kors diġà u għandu ċ-Ċertifikat, agħfas hawn.
|
 |
|
IL-MALTI QED JITGĦALLMUH ANKE L-BARRANIN
Ċertifikat fil-Malti bħala Lsien Barrani
(Certificate in Maltese as a Foreign Language)
- Fuq talba kbira li kellna, il-kors għall-barranin li jridu jitgħallmu l-Malti nibdewh fi Frar li ġej.
- Kors imħejji bi sħab mal-Università ta' Malta, twil sena u nofs, lezzjonijiet darbtejn fil-ġimgħa, u wara l-ħin tax-xogħol.
- Jekk int interessat, jew taf lil min hu, iktbilna. Il-programm tal-kors qiegħed hawn.
- If you would like to learn how to understand, read, write and speak to the Maltese people in their own language, join the Certificate in Maltese as a Foreign Language course.
- The CMFL course is intended for beginners and no previous knowledge of the language is required.
- Lectures will be held at the University, Msida, twice a week, Mondays and Fridays, from 5.00pm to 7.00pm.
- For further information, send us an e-mail here.
|
 |
|
DEĊIŻJONIJIET ĠODDA FUQ IL-KITBA MALTIJA
- Id-deċiżjonijiet li xandar il-Kunsill tal-Malti fil-25 ta' Lulju 2008 biex inaqqas l-inċertezzi fil-kitba tal-Malti ntlaqgħu tajjeb ħafna u daħlu tista’ tgħid kull fejn il-kitba bil-Malti hija prominenti.
- Id-deċiżjonijiet saru uffiċjali bil-pubblikazzjoni tagħhom fil-Gazzetta tal-Gvern.
- Il-Kunsill ippubblika wkoll lista alfabetika tal-kliem li ttieħdet deċiżjoni dwaru, li hija komda ħafna għal min ikun irid jikkonsulta d-deċiżjonijiet bla telf ta’ ħin.
- Minkejja li l-forom li twarrbu se jibqgħu validi sa Lulju 2011, id-Deċiżjonijiet 1 diġà qed ikunu osservati bir-reqqa mill-ġurnalisti u x-xandara, mill-għalliema , mit-tradutturi tal-UE u mill-Knisja.
- Bħal kull ħaġa ġdida, xi wħud mid-deċiżjonijiet qajmu dibattitu san fil-gazzetti u fi programmi tar-radju u t-televiżjoni.
- Il-Kunsill sodisfatt li qed iservi bħala forum ta’ diskussjoni, kif ukoll li l-politika tiegħu ta’ konsultazzjoni wiesgħa qed tiġi apprezzata.
- Jekk tixtieq tirċievi bil-posta d-Deċiżjonijiet 1 jew il-Lista Alfabetika tal-kliem li ttieħdet deċiżjoni dwaru, ibagħtilna l-indirizz tad-dar tiegħek hawnhekk.
|  |
|
IL-KLIEM LI DIEĦEL FIL-MALTI MILL-INGLIŻ
- Għal dawn diġà hemm regola, imma hija wiesgħa u vaga. Għalhekk sikwit naraw kitbiet dwar dan fil-gazzetti.
- Kif se niktbu: boiler... jew “boiler”... jew bojler? Boxing tippreferiha minn boksing... imma mbagħad ibboxja?
- Se nimxu sewwasew kif imxejna fil-varjanti, għax dal-metodu ħadem u ħadem tajjeb.
- Ħriġna Stqarrija għall-Istampa, biex kulħadd ikun mistieden jaħseb magħna u jikteb fehmtu.
- Il-ktibiet inġabru fi ktieb ġdid, li serva bħala Dokument għad-Diskussjoni u tista’ tarah hawnhekk.
- Fit-12 ta’ April 2008 sar seminar pubbliku, li għalih attendew ’il fuq minn 300 ruħ.
- Il-Kunsill tal-Malti qed jiżgura li ma jiddeċidix qabel ma jkun sema’ u wiżen il-fehma ta’ kull min xtaq jikkontribwixxi, biex id-deċiżjonijiet ikunu ttieħdu minna lkoll flimkien. Deċiżjonijiet tal-Maltin kollha.
- Inti għadek tista’ tibgħat il-fehma tiegħek dwar il-kliem li dieħel fil-Malti mill-Ingliż, biex tidher ukoll f’dan is-sit.
- Għandek iċ-ċans tagħti l-opinjoni tiegħek: titilfux.
|
|
|
IL-VARJANTI FONETIĊI
- Xogħol ieħor tal-Kunsill tal-Malti hu li jistudja l-problema tal-varjanti fonetiċi, jiġifieri każi fejn kelma waħda jkollha iktar minn pronunzja waħda fil-Malti Standard (eż. probabbiltà/probabilità, purċissjoni/proċessjoni). M’aħniex ngħidu għad-djaletti.
- Fi ftit każi, waħda biss mill-forom tkun tajba. Imma l-biċċa l-kbira ta’ dawn il-varjanti jkunu tajbin u juru l-varjetà lingwistika tal-Malti. Għalhekk ta’ min jibża’ għalihom.
- Madankollu, jibqa’ l-fatt li fil-prattika tal-kitba u fit-tiftix bil-kompjuter, il-varjanti jtellfu mhux ftit, l-aktar fejn tkun importanti l-uniformità.
- Huwa għalhekk li xi kumpaniji tat-traduzzjoni jew tal-pubblikazzjoni jiddeċiedu li jagħżlu dejjem forma partikolari u jwarrbu l-oħrajn, avolja jkunu tajbin.
- Il-Kunsill ġabar lista twila tal-varjanti fonetiċi u se jippreżentaha fix-xhur li ġejjin biex kulħadd ikun jista’ jaraha.
- Jekk int tixtieq twasslilna fehmtek dwar dawn il-varjanti, tibqax lura. Iktbilna u tkun qed tgħin biex jittieħdu d-deċiżjonijiet meħtieġa.
|
 |
|
L-UŻU TAL-MALTI FIL-KOMPJUTER
- Ġieli ridt tikteb bil-Malti fuq il-kompjuter imma sibt problema bl-ittri Maltin?
- Il-Kunsill tal-Malti ħareġ it-tieni edizzjoni tal-manwal biex jgħinek tikteb id-dokumenti u l-ittri elettroniċi bil-Malti. Miktub b’mod dħuli u jiggwidak pass pass sakemm jirnexxilek tinstalla t-tipi Maltin.
- Ħaġa tassew ħafifa... għax l-ittri Maltin diġà qegħdin għandek. Kulma trid hu li tattivahom.
- Jekk tixtieq kopja stampata, iktbilna u nibagħtuhielek.
|
 |
|
PDF (Biex tkun
tista’ tara dawn id-dokumenti teħtieġ l-Adobe Acrobat
Reader®. Jekk m’għandekx, agħfas
hawnhekk biex tniżżlu u tinstallah.) |
Il-Gvern
ta' Malta
©
Il-Kunsill Nazzjonali tal-Ilsien Malti |