Sensiela oħra ta' korsijiet volontarji għall-għalliema, l-LSAs, il-KGAs, il-ġenituri u n-nanniet, u l-pubbliku. Se nniedu wkoll kors fuq il-Malti għall-ġenituri barranin.
Fi Frar 2016 se jiftaħ il-11-il kors li jwassal għaċ-Ċertifikat fil-Qari tal-Provi bil-Malti. L-applikazzjonijiet miftuħin sal-15 ta' Jannar 2016.
Għaddej kors fuq il-kitba bil-Malti għall-impjegati tal-Parlament, fuq talba tagħhom stess, bi sħab maċ-Ċentru għar-Riċerka, l-Iżvilupp u t-Taħriġ (CDRT) tal-Gvern.
Il-Kunsill organizza żewġ korsijiet għat-tagħlim tal-Malti lill-barranin flimkien mad-Dipartiment tal-Malti fl-Università. Sfortunatament, minħabba raġunijiet li ma kellniex kontroll fuqhom, dan il-kors (CMFL) m'għadux jiġi offrut.